Tziu Predu Ita bella luna! Tengu gana de cantai... (cantat)
Luna, luna, pipia galana,
chi ti sprigas in sa funtana...
solu seu deu, sola ses tui,
cala in sa terra, sentza de una nui...
(Lompit Chica e segat s'incantu)
Chica Ellus, Tziu Pre', ammachiau si seis notesta?
Tziu Predu Ammachiau poita seu cantendi?
Chica Sa luna no s'ascurtat a bosu... mancu si bit... e no ndi calat a innoi po bosu!
Tziu Predu Giai ses una piga alluta, ma... de poesia no ndi cumprendis nudda! Bai a giogai, bai!
Chica Adiosu, Tziu Pre'! Sighei, sighei a fai su macu! (essit)
Tziu Predu Ma... castiaidda custa mucosa! (Tziu Predu torrat a cantai)
Luna, luna, pipia galana,
chi ti sprigas in sa funtana...
solu seu deu, sola ses tui,
cala in sa terra, sentza de una nui!
Aici si faeus cumpangia
e impari bolaus che una maia!