Tzia Manzela Salude, pitzinnos! Eo so Tzia Manzela, sa nonna de
Lillia.
Oje est Pasca de Nadale e custu est una istrina pro Lillia.
Lillia (intrat) Ite bella custa pipiedda! Pro a mie est?
Tzia Manzela Eja, deddè! Est una pipiedda de istratzu. Giógadi, giógadi...
Lillia Como...como la fato drommire..."A ninnia,
ninnia..."
Tzia Manzela O Lillí, non si pigat gai sa pipiedda... dae, dàela a
mie, dae...
Boghe dae foras Lillí, Lillia, beni a innoghe!
Lillia Nò, ando e torro súbitu...aisetàdemi...(essit)
Tziu Pedru (intrat) Manzè, gioghèndedi chin sa pipiedda ses?
Tzia Manzela Pitzinnos, custu est Tziu Pedru, su nonnu de Lillia.
Tziu Pedru Piaghere de bos connòschere, pitzinnos! Manzè, tue
istèntadi puru innoghe. Già ando eo a còghere s'anzone.
Adiosu, adiosu a totus! (essit)
Lillia (torrat) Nò, cantàdela cussa ninnia, cantademila!
Tzia Manzela Eja, deddè, eja!
A ninnia a ninnia
drommit sa pipia
drómmidi e riposa
fioriteddu de rosa.
A ninnia a ninnia
drommit sa pipia
chin sónnios de allegria
a ninnia a ninnia.
(Lillia si che drommit e Tzia Manzela puru)