Lillia (giúilat allegra)
Carrasegare est arribadu! Est Carrasegare!
Tziu Pedru (intrat chin sa caratza de Mammutone)
Bonas dies a totus! (s'iserghet)
Lillia Mamea! E custu Gatu Mamone...dae u'est essidu?
Tziu Pedru (intrat chin sa caratza de Boe)
Muu... Dies bonas a totus! (s'iserghet)
Lillia Iterrore! E cust'àteru Gatu Mamone?
Tziu Pedru(torrat chene caratza)
So eo, Lillí, nonnu tuo, chin sa caratza de Mammutone
e de Boe...
Lillia Mammutone... Boe... Gatos Mamones sunt?
Tziu Pedru Nono! Sunt caratzas antigas. Las ponimus pro Carrasegare.
Lillia Eo las timo... peroe...dademilas a bídere...
Tziu Pedru (li dat sas duas caratzas)
Toh! Ponedila sa caratza de Boe... Giògadi, giògadi... (essit)
Lillia Mimiu...Mimí! (essit mutinde a Mimiu)
(Mimiu e Lillia intrant chin sas caratzas in manos)
Mimiu Custa caratza mi piaghet abberu!
Lillia Ajó, Mimí! Andamus a sa piata, ca est Carrasegare...
(Mimiu e Lillia cantant)
Est Carrasegare, est Carrasegare!
Est tempus de búglias: cherimus bugliare!
Est tempus de festa: cherimus giogare!
Est tempus de ballos: cherimus ballare!
Caratzas ponimus de su Mammutone,
de Boe o Merdule o Mama de su Sole!
E nos mascaramus de Gatu Mamone
e nde faghimus de onzi colore!
Est Carrasegare, est Carrasegare!
Est tempus de búglias: cherimus bugliare!
Est Carrasegare, est Carrasegare
Est tempus de ballos: cherimus ballare!