Mussi (con una salsiccia rubata) Ite bona custa sartitza!
Chica (intrat)
Ah! Millu su balente... papende sa cosa a fura!
Mussi E a tie ite ti nd'importat? Tàpadi su bicu!
Chica Su bicu lu tanco... lu tanco... chin unu cantu de
sartitza!
(dat unu mossu a sa sartitza)
Mussi Lassa sa cosa mia!
Chica Non ti l'as a papare totu tue!
Mussi Eo mànigo cantu mi paret e piaghet!
Chica A l'ischis chi faghet male a manigare meda?
Mussi (riet)
Aha... eo non cherzo èssere sicu che a tie!
Chica Ascurta, Mussi...ascurta sa cantone:
Papat, papat Mussi ingurtone,
dae manzanu chin macarrones
e sartitza a bustu e a chena,
at a crèschere che balena...
Pagu mànigat Chica Chichia:
a manzanu una frichinia
e a sero unu piringinu,
gai est lanza che un'istichinu.