Ohi, su gatu macu macu
chi cheriat unu palatu,
su nuraghe o su casteddu...
issu puru, barroseddu!
Ma no aiat pedra o matone
e... mandrone fit mandrone!
Tando at fatu una barraca
chin duas tàulas traca traca!
Est intradu a si pasare
e unu pische a si papare...
como isse fit su mere
de sa domo chin piaghere!
S'est corcadu totu cuntentu,
ma... ohi, ohi... millu su bentu!
Bentu malu est arrivadu......
totu a terra nd'at betadu!
Ohi, ohi, ohi! Sa domo est ruta!
Ohi, ohi, ohi! Chie b'at suta?
B'est su gatu, totu pistu,
stontonadu e tristu tristu!
Ohi su gatu, misereddu,
no at palatu ne casteddu,
ne nuraghe ne barraca
ma duas tàulas traca traca!
