Chica Ah! Non b'at nemmos? E tando mi la canto...
(cantat) leru-lalleru-leru-lalleru...
leru-lalleru-leru-lalleru...
Mussi chet) iau-mia-miau-miau-mia-mia...
Chica Chie ses tue?
Mussi Deo so Mussi. E tue chie ses?
Chica Deo so Chica.
Mussi Tue una puddichina ses?
Chica Una puddichina deo? Deo so una pica! E tue una gattu ses?
Mussi Deo so unu gattu mascrittu... e balente puru!
Chica E deo imbetzes so una feminedda... chin su pittu prontu a pittulare!
Mussi E deo juco unu bellu froccu ruju e tue nono!
Chica Barrosu! Commo ti nche l'istratzo cussu froccu!
Mussi Mucconosa!
Chica Macchillottu! Adiosu, bellu meu! Deo mi nch'ando a rundare...
Mussi A rundare?! Bi benzo deo puru!
Chica E beni tue puru!
(Chica e Mussi cantan)
A ube andamus rundu-rundu
jocande alligros a zirutundu?
Tottu paris a inghirju in s'iscola
Manos in manos, non a sa sola.
A ube andamus rundu-rundu
jocande alligros a zirutundu?
Affora in sa pratta a ballare su dillu
Cada pitzinnu alligru e ispipillu.