Tzia Manzela Salude, pitzinnos! Deo so Tzia Manzela, sa jaja de Lillia.
Oje est Pasca 'e Nadale e custu est unu donu pro Lillia.
Lillia (intrat) te bella custa bamboledda! Pro mene est?
Tzia Manzela Eja, dedde'! Est una pipiedda 'e istratzu. Jocati, jocati...
Lillia Commo...commo la faco durmire..."A ninnia, ninnia..."
Tzia Manzela O Lilli', non si picat gai sa pipiedda... dae, damila a mimme, dae...
Boche dae foras Lilli', Lillia, beni a inoche!
Lillia Jaje', ando e torro derettu...isettàemi...(essit)
Tziu Predu (intrat) Manze', jocàndeti chin sa pipiedda ses?
Tzia Manzela Pitzinnos, custu est Tziu Predu, su jaju de Lillia.
Tziu Predu Piachere de bos connòschere, pitzinnos! Manze', tue istèntati inoche.
Ja ando deo a còchere s'anzone. Adiosu, adiosu a tottus! (essit)
Lillia (torrat) Jaje', cantàela cussa ninnia, cantaemila!
Tzia Manzela Eja, dedde', eja!
A ninnia a ninnia
dòrmit sa pipia
dòrmiti e reposa
froricheddu 'e rosa.
A ninnia a ninnia
dormit sa pipia
chin sónnios de alligria
ninnia a ninnia.
(Lillia si nche dormit)