Lillia (júbilat alligra) Carrasecare est arribau! Est Carrasecare!
Tziu Predu (intrat chin sa carotta de Mamuthone) Bonas dies a tottus! (s'iserghet)
Lillia Mamea! E custu Gattu Mamone...dae ub'est issiu?
Tziu Predu (intrat chin sa carotta de Boe)
Muu... Dies bonas a tottus. (s'iserghet)
Lillia Iterrore! E cust'àtteru Gattu Mamone?
Tziu Predu (torrat chene carotta)
So deo, Lilli', jaju tuo, chin sa carotta de Mamuthone e de Boe...
Lillia Mamuthone... Boe... Gattos Mamones sun?
Tziu Predu Nono! Sun carottas anticas. Las ponimus pro Carrasecare.
Lillia Deo las timo... peroe...dazemilas a las biere...
Tziu Predu (li dat sas duas carottas)
Le'! Ponetila sa carotta de Boe... Jocati, jocati... (essit)
Lillia Mimiu...Mimi'! (essit mutinde a Mimiu)
(Mimiu e Lillia intran chin sas carottas in manos)
Mimiu Custa carotta mi piachet abberu!
(s'intendet sa música de su passu torrau)
Lillia Ajó, Mimi'! Andamus a sa pratta, ca est Carrasecare...
(Mimiu e Lillia cantan)
Est Carrasecare, est Carrasecare!
Est tempus de brullas: cherimus brullare!
Est tempus de festa: cherimus jocare!
Est tempus de ballos: cherimus ballare!

Carottas ponimus de su Mamuthone,
de Boe o Merdule o Mama 'e su Sole!
E nos mascaramus de Gattu Mamone
e nde fachimus de cada colore!

Est Carrasecare, est Carrasecare!
Est tempus de brullas: cherimus brullare!
Est Carrasecare, est Carrasecare
Est tempus de ballos: cherimus ballare!