Mussi Ite bona custa sartiza!
Chica (intrat) Ah! Millu su balente... pappande sa cosa a fura!
Mussi E a tibe ite ti nd'importat? Tappa su pittu!
Chica Su pittu lu tanco... lu tanco... chin-d unu cantu 'e sartiza!
(dat unu mossu a sa sartiza)
Mussi Lassa sa cosa mea!
Chica Non ti l'as a pappare tottu tue!
Mussi Deo manico cantu mi paret e piachet!
Chica A l'ischis chi fachet male a manicare meda?
Mussi (ridet) Aha... deo non cherjo èssere siccu che a tibe!
Chica Ascurta, Mussi...ascurta sa cantone:
Pappat, pappat Mussi ingurtone,
dae manzanu chin maccarrones
e sartiza a pranzu e a chena,
at a crèschere che balena...

Pacu mànicat Chica Chichia:
a manzanu una frichinia
e a sero unu pirinzinu,
gai est lanza che un'isticchinu.