Ohi, su gattu maccu maccu
chi cheriat unu palattu,
su nuraghe o su casteddu.
issu puru, barroseddu!
Ma no aiat preda o mattone
e. mandrone fit mandrone!
Tando at fattu una barracca
chin duas tàulas tracca tracca!
Est intrau a si pasare
e unu pische a si pappare.
commo issu fit su mere
de sa domo chin piachere!
S'est corcau tottu cuntentu,
ma. ohi, ohi. billu su bentu!
Bentu malu est arribau..
tottu a terra nch'at ghettau!
Ohi, ohi, ohi! Sa domo est rutta!
Ohi, ohi, ohi! Chie b'at issutta?
B'est su gattu, tottu pistu,
istronau e tristu tristu!
Ohi su gattu, misereddu,
no at palattu nen casteddu,
nen nuraghe nen barracca
ma duas tàulas tracca tracca!
