Sa mama chircat su pitzinnu
Sa mama: Tatanu. Tatanu.
Est tottu su manzanu
chi deo ti so chircande
e a tottus dimandande:
Azes bidu a fizu meu?
Dae domo s'est fughiu.
Si narat Tataneddu.
Est galu minoreddu!
Tatanu est dorminde issutta de su lettu. Issu si nd'importat: dormiu est a sorrocru issutta de su lettu paris chin su catteddu. Sa mama ponet sos cumpanzos a lu mutire
Sa mama A fortza de chircare
nche l'amus a ischidare.
Mutíelu meda forte
tottu paris in sa corte!
Sos pizzinnos Tatanu. Tatanu.Tatanu
Sa mama Ah, Tatanu dormillone
impara a mi rispòndere
mancari sias durmiu,
ca deo t'appo mutiu.
